शिव प्रकाश
बुझाउन खोज्छु, यो मनलाई झन् दुखेर आउँछ,
विर्सन खोज्छु, ति दिनलाई झन् बल्झेर आउँछ ।
मीठास त्यो बोली मनपेट जाली था’पाउनु कसरी,
अँगालो हाली यो मुटुमा धसेको छुरी विस्रनु कसरी ?
थाहै भएन त्यो छातीभित्र मन हैन, ढुङ्गो पो रहेछ
चिन्नै सकिन त्यो मान्छेभित्र अर्कै मान्छे पो रहेछ !
अथाह फरक हुदो रहेछ, देखिने र भोगिने मान्छेमा
नभेटिदो रहेछ मान्छेभित्र मान्छे यी आँखाले देख्दैमा !
बुझाउन खोज्छु, यो मनलाई झन् दुखेर आउँछ
विर्सन खोज्छु, ति दिनलाई झन् बल्झेर आउँछ ।
