Thursday, June 25, 2009

मान्छेको पर्खाइमा ….


शिव प्रकाश


उस्तै अवरूद्द

उस्तै अनियमित

उस्तै दर्गन्धित

उस्तै भएछ वागमती

सिंहदरबार जस्तै !

ह्वालह्वाल्ती दूर्गन्ध पिएर

बगिरहेछ सकिनसकी

तर बग्दैन पानी

वागमतीमा !

हल खेलिरहेछ

अनैतिकताको भेलमा

मान्छेको अनुहारमा

तर छैन मान्छे

सिंहदरबारमा !

किनारमा,

वासहिन सुकुम्वासीहरू

शहरमा,

विश्वासहिन सुकुम्वासीहरू

सुकुम्बासीहरुको शहरमा,

नाङ्गा अस्थिपञ्जरका घरहरु

इँटाढुङ्गाका मुटुकलेजोहरू

टुकुचाको आडमा

व्यवस्थाको ठेकेदार सिंहदरबार

आरध्यदेवको संधारमा

आस्थाको आधार बागमती

दुबै छन् -

मान्छेको पर्खाइमा !


(अश्रृंगार कविता अभियान‌‌‌‌‌.......) ‌‌‌‌‌‌ ‌‌‌‌‌‌‌‌‌‌‌‌‌‌‌‌‌‌

No comments:

Post a Comment

यहाँको स्वस्थ प्रतिकृया यो नेपाली मनका लागि सधैं स्वागत योग्य हुनेछ । धन्यवाद !