नेपाली मनहरू nepalimanharu.com (शिव प्रकाश ): उ हिँडेको बाटोबिनाको बाटो

Thursday, January 14, 2010

उ हिँडेको बाटोबिनाको बाटो

शिव प्रकाश

उसले
कतै नभएको
कोही नहिडेको
एउटा बाटो खोज्यो
बाटोबिनाको बाटो रोज्यो
न सुरुवात छ न अन्त्य छ
जुन बाटोमा उ निरन्तर हिडिरहेछ ।

धरतीमा कहीँ कतै
नकोरिएको÷नलेखिएको
बाटोबिनाको बाटोमा
बोझिला पाइला टेकेर
आकाश निहाल्दै
बारम्बार लडिरहेछ
बाटोबिनाको बाटोमा
बाँझो धरतीमा !

जुन बाटो
उ हिडिरहेछ
त्यो बाटो
उ हैन
उमाथि बाटो हिडिरहेछ !

छोडेर सम्पूर्ण निश्चिततालाई
उ निरन्तर हिडिरहेछ
अनिश्चितताको उही बाटो
बाटोबिनाको बाटो
न कहीँबाट सुरु हुन्छ
न कहीँ गएर टुङ्गिन्छ
उ हिडेको बाटो !

(अश्रृंगार कविता अभियान)
बोस्टन अमेरिका ।

3 comments:

MilanJan 19, 2010 02:30 AM
nice one
ReplyDelete
Dautari AdminJan 23, 2010 11:04 AM
yo natungine bato hidera kaile sakincha? ramro chah ksabita sshiva ji.

on the side note:
शिबजी दोस्रो ब्लगर भेला www.dautari.org मा आउनुहोला। जेनवरी ३०,२०१०(माघ १६,२०६६)नेपाली समय बिहान ९ बजे सनिबार ( US CST Jan 29,9:15pm Fri)
ReplyDelete
दूर्जेय चेतनाJan 24, 2010 07:47 AM
राम्रो लाग्यो । फेरी अर्को पनि दमदार गयो है।
जुन बाटो
उ हिडिरहेछ
त्यो बाटो
उ हैन
उमाथि बाटो हिडिरहेछ !

सोच्न बाध्य वनायो। अश्रृंगार कबितले एक पटक श्रृंगारिकलाई धक्कै हाने जस्तो लाग्यो है शिवजी।
ReplyDelete

Add comment

यहाँको स्वस्थ प्रतिकृया यो नेपाली मनका लागि सधैं स्वागत योग्य हुनेछ । धन्यवाद !

Subscribe to: Post Comments (Atom)

हरिप्रसाद पौड्रयाल स्मृति प्रतिष्ठान

"विकास, सभ्यता र संस्कार : शिक्षा नै सबैको आधार !" मेरा पूजनीय पिताको स्मृतिमा स्थापित प्रतिष्ठान । नेपाली साहित्य श्रीवृद्धीका लागि जैमली साहित्य पुरस्कार । घरदेश छोडेर परदेशमा बसी साहित्य सिर्जना गर्ने सर्जकहरूलाई प्रोत्साहित गर्न जैमली डायस्पोरा साहित्य पुरस्कार । श्री जनता उच्च मा. वि. हरैचा, मोरङमा दुई जनालाई छात्रवृत्ति । ................... " हाम्रो भाषा हाम्रो साहित्य, सेवा र संरक्षण हाम्रो दायित्व ।"

जैमली साहित्य पुरस्कार

जैमली साहित्य र जैमली डायस्पोरा साहित्य पुरस्कार - नेपाली स्रष्टाहरू जो मातृभूमि नेपाल र परदेशमा रहेर नेपाली साहित्यको सेवा र संरक्षणमा आफूलाई समर्पित गरिरहनु भएको छ, उहाँहरूप्रति समर्पित छ यो जैमली साहित्य पुरस्कार । हरिप्रसाद पौड्याल स्मृति प्रतिष्ठानद्वारा स्थापित जैमली साहित्य पुरस्कारले प्रत्येक वर्ष दुई स्रष्टाका कृतिलाई पुरस्कृत गरिने छ । "जैमली साहित्य पुरस्कार" जुनसुकै क्षेत्रमा रहेर जुनसुकै विधामा लेखिएको एक कृतिलाई प्रदान गरिने छ । "जैमली डायस्पोरा साहित्य पुरस्कार" डायस्पोरामा रहेर कृति प्रकाशित गर्ने नेपाली स्रष्टाका कृतिलाई प्रदान गरिने छ । पुरस्कार राशीः जैमली साहित्य पुरस्कार पन्ध्र हजार रूपैयाँ र जैमली डायस्पोरा साहित्य पुरस्कार दश हजार रूपैयाँ तथा प्रमाणपत्र रहेको छ । प्रतिष्ठानको कार्यालय ५२ तारामार्ग, सिनामंगल, काठमाण्डौ मा रहेको छ । प्रकाशित पुस्तकहरू प्रतिष्ठानको कार्यालयमा उपलब्ध गराइ दिन पनि सम्पूर्ण स्रष्टा तथा प्रकाशकहरूमा यो प्रतिष्ठान तथा जैमली पुरस्कार समिति हार्दिक अपील पनि गर्छ । हरिप्रसाद पौड्याल स्मृति प्रतिष्ठानले छुट्टै अक्षयकोष स्थापना गरि विगत चार वर्षदेखि श्री जनता उच्च मा. वि हरैंचा मोरङमा वार्षिक करीव २५ हजार रूपैयाँ पनि उपलब्ध गराउँदै आएको छ । फेसबुकः http://www.facebook.com/groups/325206990831813/ धन्यवाद ।

यहाँलाई यो नेपालीमनका तर्फबाट हार्दिक स्वागत तथा अभिवादन !

कविता र कवि

'कविता कवि होस्

कवि कविता होस्

तब पो कविता हुन्छ,

शब्द थुपारीकन के हुन्छ ?

भाव भए पो हुन्छ

- पारशमणि प्रधान

यो नेपाली मनको अनुरोध

यो विद्युतीय पातो यो नेपालीमनको निजी भावनको पातो हो। यसमा यो नेपालीमनका मात्र मनोभावनाहरू तरङ्गीत छन् । यसबाट यहाँहरूले कुनै पनि रचना साभार गर्न सक्नु हुनेछ । तर स्रोत उल्लेख गरिदिनु हुन यो नेपालीमन विनम्र अनुरोध छ । धन्यवाद ।