Thursday, January 5, 2012

जिन्दगी एक नाटक…


शिव प्रकाश

जिन्दगी भन्थे  नाटकको पात्र  रहेँछु आखिर
नजान्दा नाँच्न मनको काँडो भएँछु आखिर ॥

मौसमी गीत म हैन भन्छु मान्छेको जीवन
नमान्दा गाउन  शत्रुमा तिम्रो  परेँछु आखिर ॥

फरक कति जीउने कला  जीवन र जगत्मा
नबुझ्दा कला विषको प्याला बनेछु आखिर ॥

विजय गर  विषाद माथि  सपना हो जीवन
सत्य र निष्ठा    साँचेर कसुर गरेँछु आखिर ॥

साकार गर   कर्तव्य निभाई   जीवन-संघर्ष
स्वीकारी हाँक मनमा दुःख  भरेँछु आखिर ॥

जनवरी ०५ २०१२ । बोस्टन अमेरिका ।

No comments:

Post a Comment

यहाँको स्वस्थ प्रतिकृया यो नेपाली मनका लागि सधैं स्वागत योग्य हुनेछ । धन्यवाद !