Saturday, February 2, 2013

प्रिय कविको कविता

शिव प्रकाश
प्रिय कवि,
छातीमा हात राख
आँखा चिम्ल
मस्तिष्क हैन
आत्मालाई सोध
र एउटा कविता लेख ।

मलाई विश्वास छ–
त्यो अझ सुन्दर हुनेछ ।

कविताका शब्दशब्दमा–
तिम्रो कुरुप मनको
सुन्दर तस्वीर कोरिने छ ।

मूर्ख प्लेटोहरु फेरि गर्जिने छन्–
“आदर्श गणराज्यबाट कविहरुलाई निकाल्नु पर्छ”
गर्जिन देऊ–
संसारमा अब आदर्श बाँकी छैन  ।

संसार–
तिमी जस्तै छ
तिम्रो ख्याति झन् बढ्ने छ ।

(अश्रृङ्गार कविता अभियान....)
हालः बोस्टन, अमेरिका ।

No comments:

Post a Comment

यहाँको स्वस्थ प्रतिकृया यो नेपाली मनका लागि सधैं स्वागत योग्य हुनेछ । धन्यवाद !